സൗദി അറേബ്യയിൽ വധശിക്ഷയ്ക്ക് വിധിക്കപ്പെട്ട് 20 വർഷത്തോളം ജയിലിൽ കഴിഞ്ഞ മലയാളി പ്രവാസി അബ്ദുൽ റഹീം ഒടുവിൽ കേരളത്തിൽ മടങ്ങിയെത്തി. വ്യാഴാഴ്ച പുലർച്ചെ റിയാദിൽ നിന്നുള്ള എയർ ഇന്ത്യ എക്സ്പ്രസ് വിമാനത്തിലാണ് അദ്ദേഹം കരിപ്പൂർ വിമാനത്താവളത്തിൽ എത്തിയത്. അവിടെ കുടുംബാംഗങ്ങളും നിരവധി ആളുകളും അദ്ദേഹത്തെ സ്വീകരിച്ചു.

2006 ഡിസംബറിലാണ് റഹീം അറസ്റ്റിലാകുന്നത്. സൗദി സ്പോൺസറുടെ 15 വയസ്സുകാരൻ മകന്റെ ശരീരത്തിൽ ഘടിപ്പിച്ച യന്ത്രത്തിൽ അബദ്ധത്തിൽ കൈ തട്ടി കുട്ടി മരിക്കുകയായിരുന്നു. മനപ്പൂർവമല്ലാത്ത പിഴവാണെങ്കിലും 2012-ൽ റഹീമിന് വധശിക്ഷ വിധിച്ചു. മലയാളി സമൂഹത്തിന്റെ ശ്രമഫലമായി 2024 ജൂലൈയിൽ 34.35 കോടി രൂപ ദയാധനമായി നൽകി വധശിക്ഷ ഒഴിവാക്കി. എന്നാൽ 20 വർഷം തടവുശിക്ഷ പൂർത്തിയാക്കണമെന്ന കോടതി ഉത്തരവിനെ തുടർന്ന് അദ്ദേഹം ജയിലിൽ തുടർന്നു.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

തുടർന്ന് റഹീമിനെ കോഴിക്കോട് രാമനാട്ടുകര കോടാമ്പുഴയിലെ കുടുംബ വീടായ സീനത്ത് മൻസിലിലേക്ക് കൊണ്ടുപോയി. അവിടെ വർഷങ്ങൾക്ക് ശേഷം അമ്മയെ കെട്ടിപ്പിടിച്ച് വികാരാധീനനായി. സഹോദരൻ നസീർ സഹായിച്ച എല്ലാവർക്കും നന്ദി അറിയിച്ചു. ബലിപെരുന്നാളിന് തൊട്ടുമുമ്പ് നാട്ടിലെത്തിയത് വിശ്വാസികൾക്ക് ഏറെ സന്തോഷം നൽകി.