സൗദി ജയിലിൽ 20 വർഷത്തോളം കഴിഞ്ഞ അബ്ദുൽ റഹീം ഇന്ന് രാവിലെ കരിപ്പൂർ വിമാനത്താവളത്തിൽ എത്തി. എയർ ഇന്ത്യ എക്സ്പ്രസ് വിമാനത്തിൽ 7:30 ന് പറന്നിറങ്ങിയ അദ്ദേഹത്തെ ബോബി ചമ്മണൂർ അടക്കമുള്ള പ്രമുഖർ സ്വീകരിച്ചു. 34 കോടി രൂപ രക്തധനം നൽകിയാണ് വധശിക്ഷയിൽ നിന്ന് ഒഴിവാക്കിയത്.

കഴിഞ്ഞ ജൂലൈയിലാണ് വധശിക്ഷ ഒഴിവാക്കിയത്. ലോകമെമ്പാടുമുള്ള മലയാളികളുടെ സഹായത്തോടെ 50 കോടിയിലധികം രൂപ പിരിച്ചെടുത്തു. ഇതിൽ 12 കോടി രൂപ ഇനിയും ബാക്കിയുണ്ട്. റഹീമിന്റെ ഉമ്മ ഫാത്തിമ ഉൾപ്പെടെയുള്ള കുടുംബാംഗങ്ങൾ കോടമ്പുഴയിലെ വീട്ടിൽ വൈകാരികമായി അദ്ദേഹത്തെ സ്വീകരിച്ചു.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

ബലിപെരുന്നാൾ ദിനത്തിലാണ് ഈ മടങ്ങിവരവ് എന്നത് കുടുംബത്തിന് ഏറ്റവും വലിയ പെരുന്നാൾ സമ്മാനമായി. മാധ്യമങ്ങളോട് പ്രതികരിക്കാൻ തയ്യാറാകാതെ ‘നന്ദി’ എന്ന് മാത്രം പറഞ്ഞ റഹീം, 20 വർഷത്തിന് ശേഷം മാറിയ സാമൂഹിക അന്തരീക്ഷത്തിൽ അമ്പരപ്പോടെയാണ് കാണപ്പെട്ടത്.