അർജുനും ശ്രീതുവും ഒന്നിച്ച പ്രിയതമ; താലികെട്ട് രംഗത്തിന് പിന്നിലെ സത്യം വെളിപ്പെടുത്തി താരങ്ങൾ
ബിഗ് ബോസ് താരങ്ങളായ അർജുൻ ശ്യാമും ശ്രീതു കൃഷ്ണനും തങ്ങളുടെ പുതിയ മ്യൂസിക്കൽ വീഡിയോയായ ‘പ്രിയതമ’യിലെ വിവാഹ രംഗങ്ങളെക്കുറിച്ച് മനസ്സ് തുറക്കുന്നു. സോഷ്യൽ മീഡിയയിൽ ഏറെ ചർച്ചയായ താലികെട്ട് രംഗങ്ങൾ വെറും അഭിനയം മാത്രമാണെന്നും പ്രൊഫഷണൽ രീതിയിലാണ് അത് ചിത്രീകരിച്ചതെന്നും താരങ്ങൾ വ്യക്തമാക്കി.
പ്രിയതമയുടെ പ്രമോഷന്റെ ഭാഗമായി നടി ശരണ്യയോടൊപ്പം പങ്കെടുത്ത അഭിമുഖത്തിലാണ് ഇരുവരും തങ്ങളുടെ അനുഭവങ്ങൾ പങ്കുവെച്ചത്. ചിത്രീകരണത്തിനിടയിലെ തമാശകളും ബിഗ് ബോസ് വീടിനുള്ളിലെ ഓർമ്മകളും പങ്കുവെച്ച ഇവർ പരസ്പരമുള്ള ചില രസകരമായ ശീലങ്ങളും വെളിപ്പെടുത്തി. തന്നെ കാണാനായി കണ്ണൂരിൽ നിന്നും കോട്ടയം വരെ യാത്ര ചെയ്തെത്തിയ ഒരു അമ്മയെക്കുറിച്ചുള്ള ഹൃദയസ്പർശിയായ ഫാൻ മൊമെന്റും അർജുൻ ഈ അഭിമുഖത്തിൽ ഓർത്തെടുത്തു.
വർഷങ്ങളുടെ കഷ്ടപ്പാടിന് ശേഷമാണ് ‘പ്രിയതമ’ എന്ന മ്യൂസിക്കൽ വീഡിയോ യാഥാർത്ഥ്യമാക്കാൻ കഴിഞ്ഞതെന്ന് നിർമ്മാതാവ് കൂടിയായ ശരണ്യ വ്യക്തമാക്കി. സിനിമാ പാരമ്പര്യമില്ലാത്ത കുടുംബത്തിൽ നിന്നും വന്ന് ഇങ്ങനെയൊരു പ്രോജക്റ്റ് പൂർത്തിയാക്കാൻ കഴിഞ്ഞത് വലിയൊരു സ്വപ്നസാക്ഷാത്കാരമാണെന്നും പ്രേക്ഷകർ ഈ ഗാനം ഏറ്റെടുക്കുമെന്നാണ് പ്രതീക്ഷയെന്നും അവർ കൂട്ടിച്ചേർത്തു.
