പ്രതിസന്ധികളിൽ തളരാതെ ഭാര്യയ്ക്ക് കൂട്ടായി നിൽക്കുന്ന ഹെൻറി എന്ന യുവാവിന്റെയും മൃതികയുടെയും പ്രണയകഥ സോഷ്യൽ മീഡിയയിൽ ലക്ഷക്കണക്കിന് ആളുകളുടെ കണ്ണുനിറയിക്കുന്നു. പെട്ടെന്നുണ്ടായ ബ്രെയിൻ ഹെമറേജിനെ തുടർന്ന് ചലനശേഷി നഷ്ടപ്പെട്ട് കിടപ്പിലായ ഭാര്യയെ ഉപേക്ഷിക്കാൻ തയ്യാറാകാതെ, അവളുടെ തിരിച്ചുവരവിനായി കാത്തിരിക്കുന്ന ഹെൻറിയുടെ വാക്കുകൾ വലിയ മാതൃകയാണ് തീർക്കുന്നത്.

2018-ൽ ഒരുമിച്ച് ജോലി ചെയ്തിരുന്ന ഓഫീസിൽ വെച്ചാണ് ഹെൻറിയും മൃതികയും പരിചയപ്പെടുന്നത്. ജാതിയും മതവും സാമ്പത്തികാവസ്ഥയും വെല്ലുവിളിയായെങ്കിലും, പ്രതിബന്ധങ്ങളെല്ലാം മറികടന്ന് 2020-ൽ ഇവർ വിവാഹിതരായി. എന്നാൽ സന്തോഷകരമായ ദാമ്പത്യജീവിതത്തിനിടയിൽ അപ്രതീക്ഷിതമായി വന്ന കഠിനമായ തലവേദനയാണ് ഇവരുടെ ജീവിതം മാറ്റിമറിച്ചത്. പരിശോധനയിൽ അത് സാധാരണ തലവേദനയല്ല, മറിച്ച് ബ്രെയിൻ ഹെമറേജ് ആണെന്ന് കണ്ടെത്തുകയായിരുന്നു.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

സങ്കീർണ്ണമായ ശസ്ത്രക്രിയയിലൂടെ മൃതികയുടെ ജീവൻ രക്ഷിക്കാൻ കഴിഞ്ഞെങ്കിലും, സംസാരിക്കാനോ സ്വയം കൈകാലുകൾ ചലിപ്പിക്കാനോ കഴിയാത്ത അവസ്ഥയിലാണ് അവൾ ഇപ്പോൾ. മറ്റുള്ളവർ സ്വന്തം ജീവിതം നോക്കാൻ ഉപദേശിക്കുമ്പോഴും, പ്രതിസന്ധിഘട്ടങ്ങളിലും കൂടെയുണ്ടാകുമെന്ന വാക്ക് പാലിച്ച് ഹെൻറി അവൾക്കൊപ്പം തന്നെയുണ്ട്. മൃതിക പഴയതുപോലെ ആരോഗ്യം വീണ്ടെടുത്ത് തന്റെ കൈപിടിച്ച് എഴുന്നേറ്റ് വരുമെന്ന ഉറച്ച പ്രതീക്ഷയിലാണ് ഈ യുവാവ്.