വിശുദ്ധ കഅ്ബക്ക് മുകളിൽ 139 വർഷങ്ങൾക്ക് ശേഷം ഒരു അപൂർവ ജ്യോതിശാസ്ത്ര പ്രതിഭാസം സംഭവിക്കാൻ പോകുന്നു. ബലിപെരുന്നാൾ ദിവസം സൂര്യൻ കഅ്ബയുടെ നേരെ മുകളിൽ എത്തുകയും നിഴലുകൾ ഇല്ലാതാവുകയും ചെയ്യുന്ന സീറോ ഷാഡോ പ്രതിഭാസമാണ് ഇത്തവണ ഉണ്ടാവുക.

അക്ഷാംശരേഖക്ക് നേരെ മുകളിൽ സൂര്യൻ വരുന്ന ഈ പ്രതിഭാസം വർഷത്തിൽ രണ്ടു തവണ സംഭവിക്കാറുണ്ടെങ്കിലും, ബലിപെരുന്നാൾ ദിവസത്തോട് അനുബന്ധിച്ച് ഉണ്ടാവുക എന്നത് അത്യപൂർവമാണ്. അവസാനമായി ഇങ്ങനെ സംഭവിച്ചത് 1891 ലായിരുന്നു. ഈ അവസരം നഷ്ടപ്പെട്ടാൽ അടുത്ത തവണ ഈ പ്രതിഭാസം കാണാൻ 2054 വരെ കാത്തിരിക്കേണ്ടി വരും.

സീറോ ഷാഡോ ദിനത്തിൽ കഅ്ബയുടെ നേരെ മുകളിൽ സൂര്യൻ എത്തുമ്പോൾ ലോകത്തിന്റെ വിവിധ ഭാഗങ്ങളിൽ നിന്നും കിബിലയുടെ കൃത്യമായ ദിശ കണ്ടെത്താൻ സാധിക്കും. സൂര്യൻ ഉദിക്കുന്ന പ്രദേശങ്ങളിൽ നിന്ന് നോക്കുന്നവർക്ക് സൂര്യന്റെ നേർ എതിർ ദിശയിലാണ് കഅ്ബ എന്ന് കണ്ടെത്താം.

ഹജ്ജ് കാലത്തോട് അനുബന്ധിച്ച് ഉണ്ടാവുന്ന ഈ അത്ഭുത പ്രതിഭാസത്തെ കുറിച്ച് സൗദി മാധ്യമങ്ങളും വിശദമായി റിപ്പോർട്ട് ചെയ്തിട്ടുണ്ട്. ശാസ്ത്രത്തിന്റെയും വിശ്വാസത്തിന്റെയും സമന്വയമായി ഈ പ്രതിഭാസത്തെ ശാസ്ത്രലോകം കാണുന്നു.