കേരളത്തിൽ വാഹന മോഡിഫിക്കേഷനുകൾ നടത്തുന്നതിനുള്ള പുതിയ മാർഗ്ഗനിർദ്ദേശങ്ങൾ മോട്ടോർ വാഹന വകുപ്പ് സംസ്ഥാന സർക്കാരിന് സമർപ്പിക്കാനൊരുങ്ങുന്നു. അനുമതിയില്ലാതെ ചെയ്യാവുന്ന 18 കാര്യങ്ങളും, മുൻകൂർ അനുമതിയോടെ ആർസി ബുക്കിൽ മാറ്റം വരുത്തി ചെയ്യാവുന്ന 6 കാര്യങ്ങളും അടങ്ങുന്നതാണ് പുതിയ പട്ടിക. ഇതിനൊപ്പം, യുഡിഎഫ് സർക്കാരിന്റെ പ്രധാന തെരഞ്ഞെടുപ്പ് വാഗ്ദാനമായിരുന്ന സ്ത്രീകൾക്കുള്ള സൗജന്യ കെഎസ്ആർടിസി യാത്ര ഓർഡിനറി ബസുകളിൽ മാത്രമായി പരിമിതപ്പെടുത്താനും തീരുമാനമായിട്ടുണ്ട്.

പുതിയ ശുപാർശ പ്രകാരം സീറ്റ് കവർ, ഫ്ലോർ മാറ്റ്, സ്റ്റിയറിങ് കവർ, ക്രോം ഗാർണിഷ്, ഡോർ വൈസർ, മഡ് ഫ്ലാപ്പ്, ബോഡി സ്റ്റിക്കറുകൾ, ഇന്റീരിയർ ആംബിയന്റ് ലൈറ്റിങ്, ഡാഷ് ക്യാമറ, പാർക്കിങ് സെൻസർ, ജിപിഎസ് ട്രാക്കർ, ആൻഡ്രോയിഡ് ഇൻഫോടൈൻമെന്റ് സിസ്റ്റം എന്നിവയ്ക്ക് പുറമെ 50 ശതമാനം സുദാര്യമായ സൺഫിലിം ഒട്ടിക്കുന്നതിനും മുൻകൂർ അനുമതി ആവശ്യമില്ല. എന്നാൽ വാഹനത്തിന്റെ നിറം മാറ്റുക, എൻജിൻ ഇലക്ട്രിക്കിലേക്കോ സിഎൻജിയിലേക്കോ മാറ്റുക തുടങ്ങിയവയ്ക്ക് ആർടിഒ ഓഫീസിൽ നിശ്ചിത ഫീസ് അടച്ച് അനുമതി വാങ്ങി ആർസി ബുക്കിൽ രേഖപ്പെടുത്തണം. അതേസമയം, അനുവദനീയമായ ഈ മാറ്റങ്ങളിൽ 95 ശതമാനവും നിലവിലുള്ള നിയമങ്ങളിൽ തന്നെ ഉള്ളതാണെന്ന വിമർശനവും ഉയരുന്നുണ്ട്.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

കെഎസ്ആർടിസി ബസുകളിൽ സ്ത്രീകൾക്ക് സൗജന്യ യാത്ര നൽകുമെന്ന തെരഞ്ഞെടുപ്പ് വാഗ്ദാനത്തിൽ നിന്ന് സർക്കാർ ഭാഗികമായി പിന്മാറുന്നതായാണ് പുതിയ റിപ്പോർട്ടുകൾ സൂചിപ്പിക്കുന്നത്. ഫാസ്റ്റ് പാസഞ്ചർ, സൂപ്പർഫാസ്റ്റ്, സൂപ്പർ ഡീലക്സ്, എസി വോൾവോ തുടങ്ങിയ ഉയർന്ന ശ്രേണിയിലുള്ള ബസുകളിൽ സൗജന്യ യാത്ര അനുവദിക്കുന്നത് അപ്രായോഗികമാണെന്ന് വിദഗ്ദ്ധ സമിതി വിലയിരുത്തി. മുഖ്യമന്ത്രി വി.ഡി. സതീശൻ അറിയിച്ചതനുസരിച്ച് ജൂൺ 15-ഓടെ ഓർഡിനറി ബസുകളിൽ മാത്രമായി ഈ പദ്ധതി നടപ്പിലാക്കാനാണ് സർക്കാർ ലക്ഷ്യമിടുന്നത്. ഇത് സംബന്ധിച്ച അന്തിമ തീരുമാനം അടുത്ത മന്ത്രിസഭായോഗത്തിൽ ഉണ്ടാകും.