കെഎസ്ആർടിസി ബസുകളിൽ സ്ത്രീകൾക്കായി സർക്കാർ പ്രഖ്യാപിച്ച സൗജന്യ യാത്ര ഓർഡിനറി സർവീസുകളിൽ മാത്രമായി പരിമിതപ്പെടുത്തും. ഫാസ്റ്റ് പാസഞ്ചർ മുതലുള്ള ഉയർന്ന ക്ലാസ് സർവീസുകളിൽ സൗജന്യ യാത്ര അനുവദിക്കുന്നത് പ്രായോഗികമല്ലെന്നാണ് കെഎസ്ആർടിസി വിദഗ്ധ സമിതിയുടെ വിലയിരുത്തൽ. ഈ പദ്ധതി വഴി കെഎസ്ആർടിസിക്കുണ്ടാകുന്ന ടിക്കറ്റ് വരുമാന നഷ്ടം സർക്കാർ പൂർണ്ണമായും നികത്തും.

നിലവിൽ ശമ്പളവും പെൻഷനും വിതരണം ചെയ്യുന്നതിനായി പ്രതിമാസം 50 കോടി രൂപ സർക്കാർ സഹായത്തോടെയാണ് കെഎസ്ആർടിസി മുന്നോട്ട് പോകുന്നത്. പ്രതിദിനം 25 ലക്ഷത്തോളം ആളുകൾ യാത്ര ചെയ്യുന്ന കെഎസ്ആർടിസിയുടെ ആകെ സർവീസ് നടത്തുന്ന 5,000 ബസുകളിൽ 2,900 എണ്ണവും ഓർഡിനറി ബസുകളാണ്. നഗരങ്ങളെയും ഗ്രാമപ്രദേശങ്ങളെയും ബന്ധിപ്പിക്കുന്ന ഈ ഓർഡിനറി സർവീസുകളിൽ സൗജന്യം ഏർപ്പെടുത്തുന്നത് വഴി കൂടുതൽ കുടുംബങ്ങളെ പൊതുഗതാഗതത്തിലേക്ക് ആകർഷിക്കാൻ കഴിയുമെന്നാണ് കണക്കുകൂട്ടൽ. അതേസമയം, സൂപ്പർ ഡീലക്സ്, എസി ബസുകളിൽ കൂടി സൗജന്യം നൽകിയാൽ അത് വലിയ സാമ്പത്തിക പ്രതിസന്ധിക്കും സ്വകാര്യ മേഖലയുമായുള്ള തർക്കങ്ങൾക്കും കാരണമാകും.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

ജൂൺ 15 മുതൽ ഈ പുതിയ തീരുമാനം പ്രാബല്യത്തിൽ വരുമെന്നാണ് അറിയിച്ചിരിക്കുന്നത്. കെഎസ്ആർടിസിയുടെ സാമ്പത്തിക നഷ്ടം വ്യക്തമാക്കുന്ന ധവളപത്രം പുറത്തുവന്ന സാഹചര്യത്തിലാണ് ഈ പുതിയ ക്രമീകരണം. ദീർഘദൂര ടൂറിസ്റ്റ് പാക്കേജുകൾക്കും മറ്റും സൗജന്യ യാത്ര പ്രതീക്ഷിച്ചിരുന്നവർ ഇനി ഓർഡിനറി ബസുകൾ മാറിമാറി കയറി യാത്ര ചെയ്യേണ്ടി വരും. സാമ്പത്തിക ബാധ്യതകൾക്കിടയിലും ഈ പദ്ധതി എങ്ങനെ വിജയകരമായി മുന്നോട്ട് കൊണ്ടുപോകുമെന്നാണ് സർക്കാർ പരിശോധിക്കുന്നത്.