മെയ് 31 പൗർണമി: ആഗ്രഹങ്ങൾ സഫലമാക്കാൻ വാട്ടർ മാനിഫെസ്റ്റേഷൻ ചെയ്യേണ്ടത് എങ്ങനെ?
വരാനിരിക്കുന്ന മെയ് 31ലെ പൗർണമി ദിനം പ്രപഞ്ചത്തോട് നമ്മൾ ആഗ്രഹിക്കുന്ന കാര്യങ്ങൾ ചോദിച്ചു വാങ്ങാൻ സാധിക്കുന്ന അപൂർവ്വമായ ഒരു ദിവസമാണ്. ജ്യോതിഷപരമായി സൂര്യൻ ഇടവം രാശിയിലും ചന്ദ്രൻ വൃശ്ചികം രാശിയിലും നിലകൊള്ളുന്ന ഈ ദിവസം പ്രപഞ്ചത്തിൽ വലിയ തോതിൽ പോസിറ്റീവ് ഊർജ്ജം രൂപപ്പെടുന്നു. ഇത് ജീവിതത്തിലെ തടസ്സങ്ങൾ മാറാനും സാമ്പത്തിക അഭിവൃദ്ധി കൈവരിക്കാനും ഭയങ്ങൾ ഇല്ലാതാക്കാനും സഹായിക്കുമെന്നാണ് വിശ്വാസം.
ഈ ദിവസം രാത്രി 7 മണിക്കും 10 മണിക്കും ഇടയിലുള്ള സമയത്താണ് പ്രപഞ്ച ഊർജ്ജം ആകർഷിക്കുന്നതിനായുള്ള ‘വാട്ടർ മാനിഫെസ്റ്റേഷൻ’ ചെയ്യേണ്ടത്. ചന്ദ്രപ്രകാശം ലഭിക്കുന്ന ശാന്തമായ ഒരു സ്ഥലത്തിരുന്ന്, ഒരു ഗ്ലാസ് വെള്ളം (സ്റ്റീൽ അല്ലെങ്കിൽ ഗ്ലാസ് പാത്രം) ഇരു കൈകളിലും ചേർത്തുപിടിച്ച് നിങ്ങളുടെ ആഗ്രഹങ്ങൾ ഇതിനകം നടന്നു കഴിഞ്ഞതായി സങ്കൽപ്പിക്കുക. തുടർന്ന് വെള്ളത്തിലേക്ക് നോക്കി നിങ്ങളുടെ ആഗ്രഹം മൂന്ന് തവണ നന്ദിപൂർവ്വം പറയുകയും, പ്രപഞ്ചത്തോട് മൂന്ന് തവണ നന്ദി പറഞ്ഞ ശേഷം ഈ വെള്ളം പൂർണ്ണമായി കുടിക്കുകയും വേണം.
ഈ ലളിതമായ ചടങ്ങുകൾക്ക് ശേഷം, നിങ്ങൾ ആഗ്രഹിക്കുന്ന കാര്യങ്ങൾ ഒരു പേപ്പറിലോ ഡയറിയിലോ ചുവന്ന അല്ലെങ്കിൽ നീല മഷി ഉപയോഗിച്ച് എഴുതി സൂക്ഷിക്കുന്നത് ഫലം വേഗത്തിലാക്കാൻ സഹായിക്കും. പൂർണ്ണ വിശ്വാസത്തോടെ മെയ് 31ന് രാത്രി ഈ രീതി പിന്തുടരുന്നത് ജീവിതത്തിൽ വലിയ മാറ്റങ്ങൾ കൊണ്ടുവരുമെന്ന് പറയപ്പെടുന്നു.
