ഡ്യൂപ്പില്ലാതെ സംഘട്ടന രംഗങ്ങൾ; അഡ്വക്കേറ്റ് അഞ്ജലിയായി തിളങ്ങി നടി പാർവതി എസ് അയ്യർ
ജനപ്രിയ പരമ്പരയിൽ ‘അഡ്വക്കേറ്റ് അഞ്ജലി’ എന്ന കഥാപാത്രത്തെ അവതരിപ്പിക്കുന്ന നടി പാർവതി എസ് അയ്യർക്ക് സോഷ്യൽ മീഡിയയിലും പ്രേക്ഷകർക്കിടയിലും വൻ പ്രശംസ. കഥാപാത്രത്തിന് വേണ്ടി താൻ സഹിച്ച ബുദ്ധിമുട്ടുകളെക്കുറിച്ചും ശാരീരിക വെല്ലുവിളികളെക്കുറിച്ചും താരം പങ്കുവെച്ച പുതിയ റീൽസ് വീഡിയോ ആണ് ഇപ്പോൾ ചർച്ചയാകുന്നത്. പരമ്പരയിലെ സംഘട്ടന രംഗങ്ങൾ ഡ്യൂപ്പ് ഇല്ലാതെ താരം തന്നെയാണ് ചെയ്തത്.
ചിത്രീകരണത്തിനിടയിൽ രണ്ട് കാലുകൾക്കും പരിക്കേറ്റ് പാർവതിക്ക് ആശുപത്രിയിൽ പ്രവേശിക്കേണ്ടി വന്നിരുന്നു. ഡ്യൂപ്പിനെ ഉപയോഗിക്കാനോ കഥ മാറ്റാൻ ആവശ്യപ്പെടാനോ ഉള്ള അവസരങ്ങൾ ഉണ്ടായിരുന്നിട്ടും, സംവിധായകൻ ആവശ്യപ്പെട്ട രീതിയിൽ തന്നെ രംഗങ്ങൾ പൂർത്തിയാക്കാൻ താരം തയ്യാറാവുകയായിരുന്നു. ജോലിയിലെ ഈ ആത്മാർത്ഥതയും കഠിനാധ്വാനവുമാണ് താരത്തെ പ്രേക്ഷകർക്ക് കൂടുതൽ പ്രിയങ്കരിയാക്കിയത്.
യഥാർത്ഥ ജീവിതത്തിലും ഒരു അഭിഭാഷകയായ പാർവതിക്ക് ഈ കഥാപാത്രം ഏറെ പ്രിയപ്പെട്ടതാണ്. സാധാരണയായി നടിമാർ ഇത്തരം കഠിനമായ ശാരീരിക അധ്വാനമുള്ള രംഗങ്ങളിൽ നിന്ന് മാറിനിൽക്കാറാണ് പതിവ്, എന്നാൽ അതിനെയെല്ലാം മറികടന്ന് മികച്ച പ്രകടനം കാഴ്ചവെച്ച പാർവതിയെ അഭിനന്ദിക്കുകയാണ് മലയാളം ടെലിവിഷൻ പ്രേക്ഷകർ.
