ആധാർ കാർഡിലെ വിവരങ്ങൾ സൗജന്യമായി ഓൺലൈനിൽ പുതുക്കാനുള്ള കാലാവധി ഒരു വർഷം കൂടി നീട്ടി. 2027 ജൂൺ 14 വരെയാണ് പുതിയ അവസാന തീയതി. യുഐഡിഎഐ വെബ്സൈറ്റിൽ ലോഗിൻ ചെയ്ത് സ്വന്തമായി രേഖകൾ അപ്‌ലോഡ് ചെയ്യുന്നവർക്ക് മാത്രമേ ഈ സൗജന്യം ലഭിക്കൂ.

കഴിഞ്ഞ 10 വർഷമായി ആധാർ അപ്ഡേറ്റ് ചെയ്യാത്തവർ നിർബന്ധമായും പുതുക്കണം. കുട്ടികളുടെ കാര്യത്തിൽ 5 വയസ്സിലും 15 വയസ്സിലും ബയോമെട്രിക് അപ്ഡേറ്റ് നിർബന്ധമാണ്. സ്കോളർഷിപ്പ്, പ്രവേശനം തുടങ്ങിയ കാര്യങ്ങൾക്ക് ഇത് അത്യാവശ്യമാണ്. എംആധാർ ആപ്പിന് പകരം പുതിയ ഔദ്യോഗിക ആധാർ ആപ്പ് വരുന്നു.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

പുതിയ നിയമങ്ങൾ പ്രകാരം വിവിധ വിഭാഗങ്ങൾക്ക് വ്യത്യസ്ത രേഖകളാണ് വേണ്ടത്. ജനന തീയതിയും ലിംഗവും ജീവിതത്തിൽ ഒരു തവണ മാത്രം മാറ്റാം. പേര് രണ്ട് തവണ വരെ മാറ്റാം. ആധാർ കൃത്യമായി സൂക്ഷിച്ചില്ലെങ്കിൽ പെൻഷൻ, റേഷൻ, ഗ്യാസ് സബ്സിഡി, പിഎം കിസാൻ തുടങ്ങിയ ആനുകൂല്യങ്ങൾ മുടങ്ങും.