നവകേരള യാത്രയ്ക്കിടയിൽ യൂത്ത് കോൺഗ്രസ് പ്രവർത്തകർക്ക് മർദ്ദനമേറ്റ കേസ് അട്ടിമറിക്കാൻ എഡിജിപി എം.ആർ. അജിത് കുമാറിന്റെ ഓഫീസിൽ വൻ ശ്രമം നടന്നതായി അന്വേഷണ സംഘം കണ്ടെത്തി. കേസ് ഡയറി തിരുത്താൻ സമ്മർദ്ദം ചെലുത്തിയെന്ന കണ്ടെത്തലിനെ തുടർന്ന് എഡിജിപിയുടെ ഓഫീസിലെ രണ്ട് ഗ്രേഡ് എസ്ഐമാരായ ഗിരീഷ്, ശ്രീകാന്ത് എന്നിവർക്ക് ചോദ്യം ചെയ്യലിന് ഹാജരാകാൻ പ്രത്യേക അന്വേഷണ സംഘം (SIT) നോട്ടീസ് നൽകിയിട്ടുണ്ട്.

മുഖ്യമന്ത്രിയുടെ സുരക്ഷാ ഉദ്യോഗസ്ഥരെ കേസിൽ നിന്ന് ഒഴിവാക്കാൻ എഡിജിപിയുടെ നിർദ്ദേശപ്രകാരം കേസ് ഡയറിയും കോടതിയിൽ നൽകേണ്ട റിപ്പോർട്ടും തിരുത്തിയെന്നാണ് അന്വേഷണ ഉദ്യോഗസ്ഥൻ മൊഴി നൽകിയിരിക്കുന്നത്. എന്നാൽ ഈ തിരുത്തലുകൾ തന്റെ അറിവോടെയല്ലെന്നും ജീവനക്കാരുടെ മാത്രം ഉത്തരവാദിത്തമാണെന്നുമാണ് എഡിജിപി അജിത് കുമാറിന്റെ വിശദീകരണം. എന്നാൽ, അന്വേഷണ ഉദ്യോഗസ്ഥരെ എഡിജിപിയുടെ ഓഫീസിലേക്ക് വിളിച്ചുവരുത്തിയതിന്റെ ഫോൺ റെക്കോർഡുകളും ടവർ ലൊക്കേഷനുകളും അടക്കമുള്ള കൃത്യമായ തെളിവുകൾ എസ്ഐടിയുടെ പക്കലുണ്ട്.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

അജിത് കുമാറിനെ മുൻനിർത്തി സിപിഎം ഉന്നതർ നടത്തിയ എല്ലാ നിയമവിരുദ്ധ ഇടപെടലുകളും വരും ദിവസങ്ങളിൽ തെളിവ് സഹിതം പുറത്തുവിടുമെന്ന് രമേഷ് ചെന്നിത്തല മുന്നറിയിപ്പ് നൽകി. ഭരണസ്വാധീനം ഉപയോഗിച്ച് കേസ് ഒതുക്കാൻ ശ്രമിച്ചവർക്ക് ഈ അന്വേഷണ നീക്കം വലിയ തിരിച്ചടിയാകുമെന്നും വരും ദിവസങ്ങളിൽ കൂടുതൽ വിവരങ്ങൾ പുറത്തുവരുന്നതോടെ കേരള രാഷ്ട്രീയത്തിൽ വലിയ ചർച്ചകൾക്ക് ഇത് വഴിവെക്കുമെന്നും അദ്ദേഹം വ്യക്തമാക്കി.