ആലപ്പുഴ ബീച്ചിൽ വേനലവധിക്കാലത്ത് സംഘടിപ്പിച്ച കാർണിവലിലെ പ്രധാന ആകർഷണമായിരുന്ന ‘വണ്ടർഫാൾസ്’ കൃത്രിമ വെള്ളച്ചാട്ടത്തിൽ ഉപയോഗിച്ചത് മനുഷ്യവിസർജ്യം കലർന്ന മലിനജലമെന്ന് കണ്ടെത്തൽ. ഇവിടെനിന്ന് ശേഖരിച്ച ജലസാമ്പിളുകളുടെ പരിശോധനയിലാണ് വൻതോതിൽ കോളിഫോം ബാക്ടീരിയയുടെ സാന്നിധ്യം കണ്ടെത്തിയത്. അവധിക്കാലത്ത് ആയിരക്കണക്കിന് ആളുകളാണ് ഈ വെള്ളച്ചാട്ടത്തിൽ കുളിക്കാനിറങ്ങിയത്.

അന്താരാഷ്ട്ര കായൽ ഗവേഷണ കേന്ദ്രം ഡയറക്ടർ ഡോ. പത്മകുമാറിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് ഞെട്ടിക്കുന്ന വിവരങ്ങൾ പുറത്തുവന്നത്. സാധാരണയായി അതീവ മലിനമായ ജലാശയങ്ങളിൽ പോലും കാണുന്നതിനേക്കാൾ ഉയർന്ന അളവിലാണ് (100 മില്ലി ലിറ്ററിൽ ആയിരത്തിലധികം) ഇവിടെ കോളിഫോം ബാക്ടീരിയ കണ്ടെത്തിയത്. വെള്ളച്ചാട്ടത്തിനായി വെള്ളം പമ്പ് ചെയ്ത കുഴൽക്കിണറുകൾക്ക് വെറും മൂന്ന് മീറ്റർ മാത്രം അകലെയായി ശാസ്ത്രീയമല്ലാത്ത രീതിയിൽ നിർമ്മിച്ച കുഴിക്കക്കൂസുകളിൽ നിന്നുള്ള മാലിന്യം മണലിലൂടെ ഭൂഗർഭജലത്തിൽ കലർന്നതാണ് ഈ മലിനീകരണത്തിന് കാരണം.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

ഈ വെള്ളച്ചാട്ടത്തിൽ കുളിച്ച കുട്ടികൾ ഉൾപ്പെടെയുള്ള നിരവധി ആളുകൾക്ക് കണ്ണ് വേദനയും ചൊറിച്ചിലും അടക്കമുള്ള ശാരീരിക ബുദ്ധിമുട്ടുകൾ അനുഭവപ്പെടുകയും പലരും ചികിത്സ തേടുകയും ചെയ്തിട്ടുണ്ട്. സംഭവത്തിൽ അമ്പലപ്പുഴ എം.എൽ.എ ജി. സുധാകരൻ ജില്ലാ കളക്ടറുമായി ബന്ധപ്പെടുകയും പരിസ്ഥിതി മലിനീകരണത്തിനും നികുതി വെട്ടിപ്പിനുമെതിരെ കൃത്യമായ അന്വേഷണം നടത്തി കർശന നടപടി സ്വീകരിക്കാൻ ആവശ്യപ്പെടുകയും ചെയ്തിട്ടുണ്ട്.