ഹേമ കമ്മിറ്റി റിപ്പോർട്ടിന് പിന്നാലെ മലയാള സിനിമാ താരസംഘടനയായ ‘അമ്മ’യ്ക്കുള്ളിൽ ഭിന്നതയും ആഭ്യന്തര കലഹവും ശക്തമാകുന്നു. സംഘടനയിലെ ഭാരവാഹികളായ നടിമാർ ചേരിതിരിഞ്ഞ് പോരടിക്കുമ്പോൾ, നടൻ ടിനി ടോമിനെ ലക്ഷ്യമിട്ടുകൊണ്ട് കടുത്ത നീക്കങ്ങളാണ് അണിയറയിൽ നടക്കുന്നതെന്നാണ് സൂചനകൾ വ്യക്തമാക്കുന്നത്.

സ്ത്രീകൾക്ക് മുൻഗണന നൽകി ശ്വേതാ മേനോൻ പ്രസിഡന്റായും കുക്കു പരമേശ്വരൻ സെക്രട്ടറിയായും രൂപീകരിച്ച കമ്മിറ്റിയിലാണ് പുതിയ തർക്കങ്ങൾ ഉടലെടുത്തത്. ലാപ്ടോപ്പ് വിതരണം, സ്പോൺസർഷിപ്പ് തർക്കങ്ങൾ എന്നിവയുമായി ബന്ധപ്പെട്ട് ടിനി ടോം ശക്തമായ എതിർപ്പ് പ്രകടിപ്പിച്ചിരുന്നു. ഇതിനിടയിൽ അൻസിബ ഹസനുമായി ബന്ധപ്പെടുത്തി ടിനി നടത്തിയ ചില പരാമർശങ്ങളും രാഷ്ട്രീയപരമായ അഭിപ്രായവ്യത്യാസങ്ങളും പ്രശ്നങ്ങൾ കൂടുതൽ വഷളാക്കി.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

ഉയർന്നുവന്ന വിവാദങ്ങളിൽ കടുത്ത മാനസിക വിഷമത്തോടെയാണ് ടിനി ടോം പ്രതികരിച്ചത്. താൻ ഒരു സ്ത്രീയോടും മോശമായി പെരുമാറിയിട്ടില്ലെന്നും നിലവിലെ പ്രശ്നങ്ങൾ കൃപാസനം മാതാവിന് സമർപ്പിച്ച് പ്രാർത്ഥിക്കുകയാണെന്നും അദ്ദേഹം പറഞ്ഞു. സംഘടനയുടെയും അഭിഭാഷകന്റെയും നിർദ്ദേശപ്രകാരം കൂടുതൽ പ്രതികരണങ്ങൾക്കില്ലെന്ന് വ്യക്തമാക്കിയ ടിനി ടോമിനെതിരെ പോലീസ്-കോടതി നടപടികളുമായി മുന്നോട്ട് പോകാനാണ് എതിർവിഭാഗത്തിന്റെ നീക്കം.