കേരള സംസ്ഥാന സർക്കാർ റേഷൻ വിതരണത്തോടൊപ്പം ബക്രീദിന് സ്പെഷ്യൽ കിറ്റ് പ്രഖ്യാപിച്ചിരിക്കുകയാണ്. സപ്ലൈകോ വഴിയാണ് ഈ കിറ്റുകളുടെ വിതരണം നടത്തുന്നത്. മെയ് 18 മുതൽ 26 വരെയാണ് ഈ സ്പെഷ്യൽ കിറ്റ് വാങ്ങുന്നതിന് സാധിക്കുക.

1101 രൂപ വില വരുന്ന ഉൽപന്നങ്ങളാണ് കിറ്റിൽ ഉൾപ്പെടുത്തിയിരിക്കുന്നത്. എന്നാൽ ഗുണഭോക്താവിന് 850 രൂപ മാത്രമേ നൽകേണ്ടതുള്ളൂ. അതായത് 250 രൂപയോളം സ്പെഷ്യൽ ഡിസ്കൗണ്ട് ലഭിക്കും. 10 ഇനങ്ങൾ അടങ്ങിയ ഈ കിറ്റിൽ ബിരിയാണി അരി 3 കിലോഗ്രാം, പഞ്ചസാര 1 കിലോഗ്രാം, ശബരി വെളിച്ചെണ്ണ 1 ലിറ്റർ, ശബരി അപ്പം പൊടി 1 കിലോഗ്രാം, ശബരി ഗോൾഡ് ടീ 250 ഗ്രാം, ശബരി മീറ്റ് മസാല 100 ഗ്രാം, ശബരി ഗരംമസാല 50 ഗ്രാം, ശബരി ചിക്കൻ മസാല 100 ഗ്രാം, ശബരി കുരുമുളകുപൊടി 100 ഗ്രാം, മസാലകൂട്ട് 50 ഗ്രാം എന്നിവ ഉൾപ്പെടുന്നു.

ഈ കിറ്റിന് പുറമെ മെയ് മാസത്തെ സാധാരണ സബ്സിഡി ഉൽപന്നങ്ങളായ ഒരു ലിറ്റർ വെളിച്ചെണ്ണ, ഒരു കിലോ പഞ്ചസാര, ഒരു കിലോ ഉഴുന്ന്, ഒരു കിലോ കടല, ഒരു കിലോ ചെറുപയർ, അരി ഉൾപ്പെടെയുള്ള ധാന്യവർഗ്ഗങ്ങൾ എന്നിവയും വാങ്ങാം. റേഷൻ കടകൾ വഴി മാത്രമല്ല സപ്ലൈകോ, മാവേലി സ്റ്റോറുകൾ വഴിയും ഇവ വാങ്ങാൻ സാധിക്കും.

റേഷൻ കാർഡ് ഉടമകൾ ഈ ആനുകൂല്യങ്ങൾ പ്രയോജനപ്പെടുത്തേണ്ടത് അത്യാവശ്യമാണ്. തുടർച്ചയായി മൂന്നു മാസം ആനുകൂല്യങ്ങൾ വാങ്ങാതിരുന്നാൽ മുൻഘടന നഷ്ടമാകുകയും മുൻഘടനേതര വിഭാഗത്തിലേക്ക് മാറ്റപ്പെടുകയും ചെയ്യും. അതിനാൽ കാർഡ് ഉടമകൾ ആനുകൂല്യങ്ങൾ കൃത്യമായി വാങ്ങുകയും ഈ അവസരങ്ങൾ പ്രയോജനപ്പെടുത്തുകയും ചെയ്യേണ്ടതാണ്.