തിരുവനന്തപുരത്ത് മുൻ മുഖ്യമന്ത്രി പിണറായി വിജയന്റെ വീട്ടിൽ പരിശോധന നടത്തിയ എൻഫോഴ്സ്മെന്റ് ഡയറക്ടറേറ്റ് (ഇഡി) സംഘത്തിന് നേരെയുണ്ടായ ആക്രമണത്തിൽ പോലീസിന്റെ പങ്ക് സംശയിക്കുന്നതായി കേന്ദ്ര ഏജൻസികൾ. സിആർപിഎഫ് സുരക്ഷയുണ്ടായിരുന്നിട്ടും പോലീസ് സുരക്ഷ ഉറപ്പ് നൽകിയിട്ടും നടന്ന ഈ ആക്രമണത്തിൽ വനിതാ ഉദ്യോഗസ്ഥർക്കും ഡ്രൈവർക്കും പരിക്കേറ്റു. പോലീസിലെ ചില ഉദ്യോഗസ്ഥർ ആക്രമണത്തിന് ഒത്താശ ചെയ്തതായാണ് പ്രാഥമിക നിഗമനം.

സുരക്ഷാ ചുമതലയിലുണ്ടായിരുന്ന മ്യൂസിയം എസ്എച്ച്ഒ ആർ പ്രശാന്ത് ഇടത് സംഘടനാ നേതാവാണെന്നും ആക്രമണസമയത്ത് സിപിഎം കൗൺസിലർമാരുമായി സൗഹൃദ സംഭാഷണത്തിലായിരുന്നുവെന്നും റിപ്പോർട്ടുകളുണ്ട്. നൂറോളം പോലീസുകാർ ഉണ്ടായിട്ടും പ്രവർത്തകരെ തടയാനോ കസ്റ്റഡിയിലെടുക്കാനോ കഴിയാത്തത് ഗൂഢാലോചനയുടെ ഭാഗമാണെന്ന് കേന്ദ്ര ഏജൻസികൾ കരുതുന്നു. സ്പെഷ്യൽ ബ്രാഞ്ച് റിപ്പോർട്ട് അട്ടിമറിച്ചതായും ആരോപണമുണ്ട്.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

കേസ് സിബിഐക്ക് വിട്ടുകൊണ്ടുള്ള ഉത്തരവ് ഉടൻ പുറത്തിറങ്ങുമെന്നാണ് ഡൽഹിയിൽ നിന്നുള്ള സൂചന. ആക്രമണത്തിന് ആഹ്വാനം ചെയ്ത രാഷ്ട്രീയ നേതാക്കളെയും ഒത്താശ ചെയ്ത പോലീസുകാരെയും നിയമത്തിന് മുന്നിൽ കൊണ്ടുവരാൻ സിബിഐ അന്വേഷണം ലക്ഷ്യമിടുന്നു. ഇത് കേരള പോലീസിൽ വലിയ രാഷ്ട്രീയ കൊടുങ്കാറ്റിന് വഴിവെച്ചേക്കും.