അമേരിക്കയിലെ ജോർജിയയിൽ വിവാഹം കഴിഞ്ഞ് മണിക്കൂറുകൾക്കകം ഉണ്ടായ ഹെലികോപ്റ്റർ അപകടത്തിൽ മലയാളി യുവാവായ ഡേവ് ഫിജി മരണപ്പെട്ടു. അപകടത്തിൽ ഹെലികോപ്റ്റർ പൈലറ്റും സംഭവസ്ഥലത്തുതന്നെ മരിച്ചു. ഗുരുതരമായി പരിക്കേറ്റ വധു ജസ്നി അത്ഭുതകരമായി രക്ഷപ്പെടുകയും നിലവിൽ തീവ്രപരിചരണ വിഭാഗത്തിൽ ചികിത്സയിൽ കഴിയുകയുമാണ്. മൂവാറ്റുപുഴ സ്വദേശിയായ ഡേവ് ഫിജി അമേരിക്കയിലെ ഡെൽറ്റ എയർലൈൻസിൽ കൊമേർഷ്യൽ പൈലറ്റായി ജോലി ചെയ്യുകയായിരുന്നു.

ഡോസൻവില്ലയിലെ ഓഡിറ്റോറിയത്തിൽ വെച്ച് നടന്ന വിവാഹ ചടങ്ങുകൾക്ക് ശേഷം പഞ്ചനക്ഷത്ര ഹോട്ടലിലേക്ക് പോകുന്നതിനിടയിലാണ് ഇവർ സഞ്ചരിച്ചിരുന്ന ഹെലികോപ്റ്റർ തകർന്നു വീണത്. കനത്ത മഴയും മൂടൽമഞ്ഞും കാരണം കാഴ്ചപരിധി കുറവായതിനാൽ യാത്ര സുരക്ഷിതമല്ലെന്ന് ഡേവ് മുന്നറിയിപ്പ് നൽകിയിരുന്നു. എന്നാൽ ഉയരത്തിൽ പറന്നാൽ പ്രതിസന്ധി മറികടക്കാമെന്ന ഹെലികോപ്റ്റർ പൈലറ്റിന്റെ അമിത ആത്മവിശ്വാസമാണ് വലിയ ദുരന്തത്തിൽ കലാശിച്ചത്. വിജനമായ മലനിരകളിലും വനമേഖലയിലുമാണ് ഹെലികോപ്റ്റർ തകർന്നുവീണത്.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

അപകടത്തിന് ശേഷം ഏകദേശം അഞ്ച് മണിക്കൂറോളം അവശിഷ്ടങ്ങൾക്കിടയിൽ ബോധരഹിതയായി കിടന്ന ജസ്നി, പുലർച്ചെ ബോധം വീണപ്പോഴാണ് ഭർത്താവിന്റെ വിയോഗം തിരിച്ചറിഞ്ഞത്. ഒരു നഴ്സ് കൂടിയായ ജസ്നി കഠിനമായ ശാരീരിക വേദനയ്ക്കിടയിലും അസാമാന്യ മനക്കരുത്തോടെ 911 എന്ന അടിയന്തര നമ്പറിലേക്ക് വിളിച്ച് വിവരം അറിയിക്കുകയായിരുന്നു. ഈ സന്ദേശമാണ് ദുഷ്കരമായ വനമേഖലയിലേക്ക് രക്ഷാപ്രവർത്തകരെ കൃത്യമായി എത്തിച്ചതും ജസ്നിയുടെ ജീവൻ രക്ഷിച്ചതും. അപകടത്തെക്കുറിച്ച് നാഷണൽ ട്രാൻസ്പോർട്ട് സേഫ്റ്റി ബോർഡ് അന്വേഷണം ആരംഭിച്ചിട്ടുണ്ട്.