യുഡിഎഫ് സർക്കാരിന്റെ പ്രധാന വാഗ്ദാനങ്ങളിലൊന്നായ വനിതകൾക്കുള്ള കെഎസ്ആർടിസി സൗജന്യ യാത്രാ പദ്ധതി ജൂൺ 15 മുതൽ നടപ്പിലാക്കുന്നതുമായി ബന്ധപ്പെട്ട് ഇന്ന് ചേരുന്ന മന്ത്രിസഭാ യോഗം നിർണായക തീരുമാനമെടുക്കും. പദ്ധതി നടപ്പാക്കാൻ ഇനി പത്ത് ദിവസങ്ങൾ മാത്രം ബാക്കിനിൽക്കെ, വലിയ സാമ്പത്തിക പ്രതിസന്ധികളാണ് സർക്കാർ ഇതിനായി നേരിടുന്നത്.

ഓർഡിനറി, ഫാസ്റ്റ് പാസഞ്ചർ ബസുകളിൽ പദ്ധതി നടപ്പാക്കാനാണ് നിലവിൽ ആലോചിക്കുന്നത്. ഇതിനായി ആവശ്യമായി വരുന്ന 90 കോടി രൂപ എങ്ങനെ കണ്ടെത്തുമെന്ന കാര്യത്തിൽ മന്ത്രിസഭ ഇന്ന് ചർച്ച നടത്തും. ഇതോടൊപ്പം സംസ്ഥാനത്തിന്റെ യഥാർത്ഥ സാമ്പത്തിക സ്ഥിതി വ്യക്തമാക്കുന്നതും കെ.എം. ചന്ദ്രശേഖർ സമിതി തയ്യാറാക്കിയതുമായ ധവളപത്രത്തിന് മന്ത്രിസഭ ഇന്ന് അന്തിമ അംഗീകാരം നൽകി നിയമസഭയിൽ സമർപ്പിക്കും.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

നവീൻ ബാബുവിന്റെ മരണത്തിൽ സിബിഐ അന്വേഷണം വേണമെന്ന കാര്യത്തിലും ഇന്ന് തീരുമാനമുണ്ടാകും. അതേസമയം, ഓട്ടോറിക്ഷകളിൽ കുട്ടികളെ സ്കൂളിലേക്ക് അയക്കരുതെന്ന തരത്തിൽ മോട്ടോർ വാഹന വകുപ്പ് നിർദ്ദേശം നൽകിയെന്ന വാർത്തകൾ അടിസ്ഥാനരഹിതമാണെന്നും നിലവിലുള്ള സുരക്ഷാ മാനദണ്ഡങ്ങൾ പാലിച്ച് അനുവദനീയമായ എണ്ണം കുട്ടികളുമായി സർവീസ് നടത്തുന്നതിന് തടസ്സമില്ലെന്നും അധികൃതർ വ്യക്തമാക്കിയിട്ടുണ്ട്.