അമ്പലത്തിലെ ഭഗവതിയെ വീട്ടിലേക്ക് വിളിച്ചു കൂടെ കൂട്ടിക്കൊണ്ടു വന്ന മുസ്ലിം പെൺകുട്ടി
കാഞ്ഞിരപ്പള്ളിയിലെ ഒരു തങ്ങൾ കുടുംബത്തിൽ ജനിച്ച 16 വയസ്സുകാരി സാറാ സജ്ജാദ് എന്ന മുസ്ലിം പെൺകുട്ടി അവിടത്തെ ഒരു ഭഗവതി ക്ഷേത്രത്തിൽ പോയി ദേവിയോട് ‘എന്റെ കൂടെ നീ പോരുന്നോ’ എന്ന് ചോദിച്ചു. ദേവി തന്റെ കൂടെ വരുന്നു എന്ന് പറഞ്ഞ് അവൾ ആ ദേവിയെ വീട്ടിൽ കുടിയിരുത്തി. ഇപ്പോൾ ആ ദേവിയുടെ ആളായി മാറിയിരിക്കുകയാണ് ഈ പെൺകുട്ടി.
സാറയുടെ ഉമ്മ ഒരു സയ്യിദത്ത് (തങ്ങൾ കുടുംബം) ആണ്. വാപ്പ ഒരു കമ്മ്യൂണിസ്റ്റുകാരനും. കളരിപ്പയറ്റും സംഗീതവും പഠിച്ച ഈ പെൺകുട്ടി ഇപ്പോൾ ആർഎസ്എസിന്റെ ബാലഗോകുലത്തിന്റെ പരിപാടികളിൽ പങ്കെടുക്കുന്നു. നേരത്തെ കർണാടകയിൽ ഹിജാബ് നിരോധനത്തിനെതിരെ പാട്ടുപാടിയ ഇവൾ പിന്നീട് ഹിജാബ് ഒഴിവാക്കുകയും ചെയ്തു. ‘എല്ലാ മതങ്ങളും സത്യമാണ്’ എന്ന വാദക്കാരിയാണ് സാറ.
ഈ വീഡിയോ പങ്കുവെച്ച ഫക്റുദ്ദീൻ പന്താവൂർ ഇത്തരം ജീവിതങ്ങളെ കൗതുകത്തോടെ നോക്കിക്കാണുന്നു. മതം മാറ്റാൻ ശ്രമിച്ചു എന്ന് ആരോപിക്കപ്പെട്ട നടി അൻസീബ ഹസനെ ജിഹാദി എന്ന് വിളിച്ച സംഭവവും അദ്ദേഹം ഓർമ്മിപ്പിക്കുന്നു. ലിബറൽ ആയാലും പേര് പോവില്ല എന്നാണ് അദ്ദേഹത്തിന്റെ നിരീക്ഷണം.
