വയനാട് ചുരത്തിനു താഴെ താമരശ്ശേരിയിൽ സ്ഥിതി ചെയ്യുന്ന ഒടുങ്ങാക്കാട് മഖാം പ്രസിദ്ധമായ ഒരു ആത്മീയ കേന്ദ്രമാണ്. ഇവിടെ അന്ത്യവിശ്രമം കൊള്ളുന്ന മഹാൻ സയ്യിദ് ഹുസൈൻ ദില്ലിയ (ഹുസൈൻ തങ്ങൾ) ഡൽഹിയിൽ ജനിച്ച് വയനാട്ടിലെ വാരമ്പറ്റിയിൽ എത്തിച്ചേർന്ന സയ്യിദ് കുടുംബത്തിലെ അംഗമാണ്. വാരമ്പറ്റ മഖാമിൽ അന്തിയുറങ്ങുന്ന സയ്യിദ് അലി അക്ബർ ദില്ലിക്കോയ തങ്ങളുടെ രണ്ടാമത്തെ പുത്രനാണ് ഹുസൈൻ തങ്ങൾ.

ഹുസൈൻ തങ്ങൾ ചെറുപ്പം മുതൽ തന്നെ തികഞ്ഞ മജ്ദൂബ് (ആത്മീയനിമഗ്നൻ) ആയിരുന്നു. ഒരിക്കൽ തന്റെ പിതാവിനെ കാണാൻ വാരമ്പാടിയിൽ വന്നപ്പോൾ പിതാവ് കാപ്പി കൃഷിയിൽ മുഴുകിയിരിക്കുകയായിരുന്നു. അപ്പോൾ ഹുസൈൻ തങ്ങൾ ദുനിയാവിലെ കാര്യങ്ങളോട് താൽപര്യമില്ലാത്തവനായതിനാൽ “ബാപ്പ നിങ്ങളുടെ കൃഷി തീപിടിച്ച് നശിച്ചുപോകട്ടെ” എന്ന് പറഞ്ഞു. അത് അല്ലാഹു സ്വീകരിക്കുകയും ആ മഴയിൽ തന്നെ കാട്ടുതീ വന്ന് കൃഷിയെല്ലാം കത്തി നശിക്കുകയും ചെയ്തു. തുടർന്ന് പിതാവ് മകനോട് കാട്ടിൽ തന്നെ താമസിക്കാൻ പറഞ്ഞു, ഹുസൈൻ തങ്ങൾ അങ്ങനെ വർഷങ്ങളോളം കാട്ടിൽ കഴിഞ്ഞു.

പിന്നീട് വർഷങ്ങൾക്ക് ശേഷം ഹുസൈൻ തങ്ങളുടെ ജനാസ ഒടുങ്ങാക്കാട്ട് നിന്നും കണ്ടെത്തി, അവിടെ വെച്ച് ഖബറടക്കി. പിന്നീട് കുഞ്ഞുട്ടി ആലി എന്ന മനുഷ്യൻ സ്വപ്നത്തിൽ മഖ്ബറ നിർമ്മിക്കണമെന്ന് കൽപ്പന ലഭിക്കുകയും അതനുസരിച്ച് പ്രവർത്തിക്കുകയും ചെയ്തു. കൊടും കാറ്റിലും മഴയിലും മഖ്ബറയിൽ കത്തിച്ചുവെച്ച വിളക്ക് അണയാതെ കത്തിജ്വലിച്ചു നിന്നത് ആ മഹാന്റെ വലിയ കറാമത്തായിരുന്നു.

കോട്ടയം തമ്പുരാക്കന്മാരുടെ കൈവശത്തിലുണ്ടായിരുന്ന സ്ഥലം കുഞ്ഞുട്ടിയാലി കുടുംബം വാങ്ങുകയും 1948-51 കാലഘട്ടത്തിൽ പള്ളി പുതുക്കി പണിയുകയും കമ്മിറ്റിക്ക് കൈമാറുകയും ചെയ്തു.

ഈ മഖാമിലേക്ക് ഏഴ് സൂറത്തുൽ ഫാത്തിഹ നേർച്ചയാക്കി ഓതിയാൽ എല്ലാ പ്രശ്നങ്ങൾക്കും പരിഹാരമാകുമെന്നാണ് വിശ്വാസം. രോഗം, സാമ്പത്തിക പ്രയാസം, കടം, വിവാഹ തടസ്സം, സന്താനലബ്ധി, സിഹ്റും ബാധ, നാക്കേറ്, കണ്ണേറ്, അസൂയ, ശത്രുശല്യം തുടങ്ങിയ എല്ലാ പ്രശ്നങ്ങൾക്കും ഈ മഖാമിലേക്ക് നേർച്ചയാക്കിയാൽ പരിഹാരമുണ്ടാകുമെന്ന് പറയപ്പെടുന്നു.

വയനാട് ചുരം കയറുന്ന യാത്രക്കാർ ഈ മഖാമിലേക്ക് നേർച്ചയാക്കിയിട്ടാണ് യാത്ര ചെയ്യുന്നത്. അങ്ങനെ ചെയ്യുന്നവർക്ക് യാത്ര അവസാനിക്കുന്നത് വരെ ഒരു അപകടവും ഉണ്ടാകില്ല എന്നാണ് വിശ്വാസം. സിഹ്റും മറ്റ് മാരണങ്ങൾക്കും ഈ മഖാമിലേക്ക് നേർച്ചയാക്കുന്നത് ഫലപ്രദമാണ്. കൈക്കൂട്ട്, പിക്കാസ്, ചുവന്ന പട്ട്, പരുത്തി, കോഴിമുട്ട, ചേന തുടങ്ങിയവയാണ് ഇതിനായി നേർച്ചയാക്കേണ്ട വസ്തുക്കൾ.

മഖാം സന്ദർശിക്കാൻ കഴിയാത്തവർക്ക് ഏഴ് സൂറത്തുൽ ഫാത്തിഹ ഹുസൈൻ തങ്ങളുടെ പേരിൽ നേർച്ചയാക്കി ഓതിയാൽ മതി. കഴിയുന്നവർ താമരശ്ശേരി ഒടുങ്ങാക്കാട് മഖാമിൽ ചെന്ന് സിയാറത്ത് ചെയ്യണം.