ബാങ്ക് വായ്പ നിഷേധിക്കപ്പെട്ടതിനെ തുടർന്ന് ദുരിതത്തിലായ ഇടുക്കി സ്വദേശിനി ഗംഗയ്ക്ക് സ്വന്തം ചെലവിൽ ഓട്ടോറിക്ഷ വാങ്ങി നൽകി കേന്ദ്രസഹമന്ത്രി സുരേഷ് ഗോപി. ഇതോടൊപ്പം, കേരളത്തിൽ എയിംസ് അനുവദിച്ചില്ലെങ്കിൽ താൻ രാഷ്ട്രീയം വിടുമെന്ന തന്റെ മുൻ നിലപാട് അദ്ദേഹം ആവർത്തിച്ചു വ്യക്തമാക്കുകയും ചെയ്തു.

ബൈസൺ വാലി മുട്ടുകാട് സ്വദേശിനിയായ ഗംഗ കഴിഞ്ഞ ഇരുപതിലേറെ വർഷങ്ങളായി ഏലത്തോട്ടങ്ങളിൽ കൂലിപ്പണി ചെയ്താണ് കുടുംബം പുലർത്തുന്നത്. ഭർത്താവ് രോഗബാധിതനായി കിടപ്പിലായതോടെ സ്വയം തൊഴിൽ കണ്ടെത്താനായി ഏഴു വർഷം മുൻപ് ഇവർ മുദ്രാലോണിന് അപേക്ഷിച്ചെങ്കിലും ബാങ്ക് അധികൃതർ അത് നിരസിക്കുകയായിരുന്നു. കഴിഞ്ഞ വർഷം സെപ്റ്റംബറിൽ മൂലമറ്റത്ത് നടന്ന ഒരു ചടങ്ങിൽ വെച്ച് 130 കിലോമീറ്ററോളം സ്കൂട്ടർ ഓടിച്ചെത്തിയാണ് ഗംഗ സുരേഷ് ഗോപിയെ കണ്ട് സങ്കടം പറഞ്ഞത്. ഉടൻ തന്നെ ഓട്ടോറിക്ഷ വാങ്ങി നൽകാം എന്ന് ഉറപ്പുനൽകിയ സുരേഷ് ഗോപി, കഴിഞ്ഞ ദിവസം അടിമാലിയിലെ ഷോറൂം വഴി വണ്ടി വാങ്ങി നൽകി വാക്ക് പാലിക്കുകയായിരുന്നു.

Also read

തൃഷയുടെ അമ്മയ്ക്ക് മുന്നിൽ വിജയിന്റെ ഭാര്യ സംഗീത ചെയ്തത്; പഴയ വീഡിയോ വീണ്ടും ചർച്ചകളിൽ അംബാനിയെയും ചൈനീസ് കോടീശ്വരന്മാരെയും മറികടന്ന് ഗൗതം അദാനി വീണ്ടും ഏഷ്യയിലെ ഏറ്റവും വലിയ പണക്കാരൻ

അതേസമയം, പുതിയ സർക്കാർ മാർഗ്ഗനിർദ്ദേശങ്ങൾ അനുസരിച്ച് എയിംസിനായുള്ള ശുഭാർശയിൽ തൃശ്ശൂർ, ഇടുക്കി ജില്ലകളെ പരിഗണിക്കണമെന്നും അടുത്ത ബജറ്റിൽ ഇത് ഉൾപ്പെടുത്തണമെന്നും സുരേഷ് ഗോപി ആവശ്യപ്പെട്ടു. രാജ്യത്തെ ഇന്ധനവില വർദ്ധനവിനെക്കുറിച്ചുള്ള വിമർശനങ്ങൾക്ക് മറുപടിയായി, ഇന്ധന നികുതി കുറയ്ക്കാൻ കേരള സർക്കാർ തയ്യാറാകാത്തതിനെ അദ്ദേഹം ശക്തമായി വിമർശിച്ചു. സംസ്ഥാനത്തിന് വേണമെങ്കിൽ നികുതി കുറയ്ക്കാമെന്നിരിക്കെ കേന്ദ്രത്തെ കുറ്റം പറഞ്ഞ് ഒഴിഞ്ഞുമാറാനാണ് സംസ്ഥാന സർക്കാർ ശ്രമിക്കുന്നതെന്നും അദ്ദേഹം കൂട്ടിച്ചേർത്തു.